Рассельгаснагляд працягвае выяўляць парушэнні і ўводзіць часовыя абмежаванні на пастаўкі прадукцыі беларускіх прадпрыемстваў. З 8 траўня ў "чорны спіс" трапілі Магілёўскі мясакамбінат, "Пінскі кааппрам", "Рывіерагруп" і каўбасны цэх нарыхтоўча-вытворчага камбіната "Палессе" ў Лунінцы. У іх прадукцыі зафіксаваныя паўторныя парушэнні. Некалькі прадпрыемстваў трапілі пад "рэжым ўзмоцненага лабараторнага кантролю".
Тым часам у Пскоўскай вобласці затрымалі грузавік з Беларусі з амаль 20 тонамі яблык. Дакументаў на груз не было. Яблыкі знішчылі.