На Алімпіядзе-2018 беларускую канькабежку Марыну Зуеву дыскваліфікавалі пасля фінішу на дыстанцыі 1500 м.
У забегу наша суайчынніца спаборнічала з кітаянкай Цьянь Руінін і на фінішы крыху апярэдзіла саперніцу, піша tut.by. Аднак потым суддзі анулявалі вынік Зуевай.
Падчас дыстанцыі пры спробе змены дарожак спартсменкі злёгку сутыкнуліся, але працягнулі бегчы. Вінаватай у сітуацыі прызналі Зуеву, таму яе дыскваліфікавалі за парушэнне правілаў змены дарожак.