Гэта ўжо чацвёрты партнёр, які адмовіцца размяшчаць свой лагатып / Reuters
Нямецкая кампанія Strauss заявіла, што адмовіцца ад размяшчэння свайго лагатыпа на чэмпіянаце свету па хакеі 2027 года ў Германіі, калі ў ім возьме ўдзел зборная Расіі. Пра гэта паведаміў генеральны дырэктар кампаніі Хенінг Штраус.
Кампанія разглядае таксама магчымасць выйсці з ліку спонсараў турніру.
"Калі нацыянальная каманда Расіі возьме ўдзел у чэмпіянаце свету 2027 года ў Германіі ў выніку рашэння CAS, мы адмовімся ад любой дэманстрацыі нашага лагатыпа ў сувязі з турнірам. Мы таксама разглядаем магчымасць адмовіцца ад спонсарства", — гаворыцца ў заяве Штрауса.
Раней ад спонсарства адмовіліся такія даўнія партнёры, як шведская AJ Produkter, чэшская Škoda Auto і шэраг іншых.
Байкот турніру абвясцілі сем краін, Германія разглядае магчымасць адмовіцца ад яго правядзення ў 2027 годзе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут