Аляксандра Сасновіч абыграла 10-ю ракетку свету Кікі Бертэнс і выйшла ў чвэрцьфінал Кубка Крамля. Для вызначэння пераможцы ў паядынку тэнісістак Беларусі і Галандыі спатрэбіліся тры сэты — 6:3, 4:6, 6:3. Сасновіч на сённяшні дзень займае ў рэйтынгу WTA 31-е месца.
Раней у чвэрцьфінал турніру ў Люксембургу выйшла беларуска Вера Лапко. У 1/8 фіналу ў двух сэтах яна абыграла больш рэйтынгавую Палін Парманцье з Францыі — 7:5, 6:2.