Сёння ўкраінцы рызыкуюць сваім жыццём дзеля Еўропы / t.me/V_Zelenskiy_official
Еўрапарламент прысудзіў прэмію імя Андрэя Сахарава "За свабоду думкі" "адважнаму народу Украіны ў асобе свайго прэзідэнта, абраных лідараў і грамадзянскай супольнасці".
Сёння ўкраінцы рызыкуюць сваім жыццём дзеля Еўропы, заявіла старшыня Еўрапарламента Раберта Мецола. Паводле яе слоў, яны абараняюць дэмакратыю, свабоду і вяршэнства права. Таму больш годных узнагароды няма.
Прэмія Сахарава — галоўная ўзнагарода ЕС у галіне правоў чалавека. У 2020-м яе атрымала дэмакратычная апазіцыя Беларусі, а раней — Беларуская асацыяцыя журналістаў, Аляксандр Мілінкевіч.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут