У 2016 годзе Дзень беларускага пісьменства пройдзе 4 верасня ў горадзе Рагачове (Гомельская вобласць). У адпаведнасці з урадавай пастановай ад 1 лютага, створаны Нацыянальны аргкамітэт па падрыхтоўцы і правядзенні свята, які ўзначаліла намеснік прэм'ер-міністра Наталля Качанава.
Дзень беларускага пісьменства адзначаецца з 1994 года і праводзіцца ў першую нядзелю верасня, прычым кожны год у новым горадзе. Летась свята праходзіла ў Шчучыне на Гродзеншчыне.