Фактычна, прайшла палова сёлетняй выбарчай кампаніі ў Беларусі. Ужо створаныя выбарчыя камісіі і зарэгістраваныя ініцыятыўныя групы, кандыдаты правялі кампанію збору подпісаў па іх вылучэнні кандыдатамі ў дэпутаты і аддалі дакументы на рэгістрацыю. Ці былі парушэнні на гэтых этапах выбараў? Хто гэтыя парушальнікі і ці былі яны пакараныя? Чаго ў плане магчымых парушэнняў выбарчага заканадаўства чакаць далей?
На гэтыя ды іншыя пытанні ў жывым эфіры Еўрарадыё адказалі каардынатар кампаніі “Праваабаронцы за свабодныя выбары” Уладзь Лабковіч і сябра Партыі БНФ, патэнцыйны кандыдат у дэпутаты Ілля Дабратвор.