За чатыры месяцы 2017 года экспарт сельскагаспадарчай прадукцыі з Беларусі ў Расію ў долі ўсяго экспарту прадукцыі АПК знізіўся на 4%. Пра гэта ў эфіры праграмы "Контуры" на тэлеканале АНТ заявіў начальнік галоўнага ўпраўлення знешнеэканамічнай дзейнасці Міністэрства сельскай гаспадаркі і харчавання Беларусі Аляксей Багданаў.
"Па статыстыцы за чатыры месяцы мінулага года ў нас экспарт у Расійскую Федэрацыю знізіўся на 4% у долі усяго экспарту сельгаспрадукцыі. Гэта значыць, мы сыходзім на новыя рынкі збыту. У Сірыю (нягледзячы на складаную сітуацыю ў краіне, але настолькі граматна выбудаваная знешняя палітыка нашай дзяржавы) мы ўжо за паўгода паставілі малочнай прадукцыі на суму больш за мільён долараў ЗША", — падсумаваў чыноўнік.
Багданаў заявіў, што Беларусь актыўна асвойвае новыя рынкі для збыту сваёй прадукцыі. У іх ліку ён назваў не толькі ўжо згаданую Сірыю, але таксама Кітай і Афрыканскі кантынент.