Інфармацыя пра фактары, якія ўплываюць на памеры ЗВР, у Беларусі не публікуецца / ілюстрацыйнае фота pixabay.com
Золатавалютныя рэзервы Беларусі на 1 красавіка склалі без малога 8,1 млрд долараў. За сакавік яны выраслі на 329,1 млн долараў, або на 4,2%. Звесткі публікуе Нацбанк.
За люты міжнародныя рэзервы скараціліся на 4, 58%, або на $373,3 млн. За кошт чаго адбываюцца гэтыя змены — падзенне і рост рэзерваў — невядома. З лета мінулага года Нацыянальны банк не публікуе інфармацыю пра структуру рэзерваў, а таксама пра фактары, якія ўплываюць на іх змяненне.
Нагадаем, паводле вынікаў 2023 года Нацбанк ставіць задачу захаваць ЗВР на ўзроўні не менш за 6 млрд долараў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут