Праца ў Літве, ілюстрацыйнае фота / DELFI
У Літве з 1 ліпеня ўводзіцца больш жорсткі парадак прыёму замежнікаў на працу. Для працы цяпер неабходна мець часовы від на жыхарства, выдадзены ў краіне, піша Delfi.
Замежнікі, якія раней прыязджалі ў Літву па бязвізавым рэжыме або па нацыянальных, шэнгенскіх візах або відах на жыхарства, выдадзеных іншымі краінамі, цяпер у краіне працаваць не змогуць.
Пад новыя забароны не трапяць замежнікі, якія прыязджаюць у Літву ў камандзіроўку або ў якасці супрацоўнікаў кампаніі, заснаванай у дзяржаве — члене Еўрасаюза ці Еўрапейскай асацыяцыі свабоднага гандлю.
Таксама літоўскі від на жыхарства не спатрэбіцца чальцам экіпажаў судоў, якія плаваюць па міжнародных маршрутах пад сцягам Літвы; замежнікам, якія перабываюць у краіне не больш за тры месяцы ў год для вырашэння пытанняў, звязаных з заключэннем і выкананнем дагавораў, навучаннем персаналу або устаноўкай абсталявання; прадпрымальнікам, якія з'яўляюцца акцыянерамі і кіраўнікамі кампаній; высокапрафесійным спартоўцам; выканаўцам; журналістам, акрэдытаваным праз МЗС; асобам, якія афіцыйна займаюцца рэлігійнай дзейнасцю; замежнікам, якія удзеьлнічаюць у валанцёрскіх праграмах урадаў або ЕС; выкладчыкам і даследчыкам; грамадзянам эканамічна развітых краін, якія прыязджаюць на працу або для іншай легальнай дзейнасці.
Замежнікі, якія пачалі працаваць у Літве да таго, як папраўкі ў закон набылі моц, змогуць працаваць да заканчэння тэрміну легальнага знаходжання або да таго часу, калі яны набудуць права працаваць на іншых легальных падставах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут