Вядучая праграмы "Добрай раніцы, Беларусь!" на тэлеканале "Беларусь 1" не ведае Кандрата Крапіву. Кур'ёзнае здарэнне адбылося 23 траўня. Вера Карэтнікава ў эфіры няправільна паставіла націск і назвала беларускага паэта "Кандрат КрапІва". Праўда, сувядучы Яўген Перлін не разгубіўся і правільна вымавіў яго псеўданім: "Кандрат КрапівА".
Карэтнікава — беларуская спявачка, тэлевядучая, ураджэнка Мінска.
Кандрат Крапіва (1896 — 1991) — беларускі пісьменнік, паэт, сатырык і драматург. Яго творы вывучаюцца ў школах.