"Мінскія цеплавыя сеткі" ўзмацняюць рэжым працы праз пахаладанне / LookByMedia
Філіял "Мінскія цеплавыя сеткі" РУП "Мінскэнерга" паведаміў пра перавод сістэмы цеплазабеспячэння на ўзмоцнены рэжым працы. Каб у дамах мінчан было цёпла, тэмпературу сеткавай вады ў магістральных трубаправодах павысілі да 90–100°C. Гаворка ідзе менавіта пра магістральныя цеплавыя сеткі.
Тэмпература батарэй у кватэрах залежыць ад працы аўтаматыкі цеплавых пунктаў або дзеянняў персаналу ЖЭУ. Рэгуляванне праводзіцца ў адпаведнасці з праектам канкрэтнага будынка.
Паводле сацыяльных стандартаў, тэмпература паветра ў жылых памяшканнях павінна знаходзіцца ў межах +18…+24°C.
Калі батарэі ў кватэры здаюцца недастаткова цёплымі, жыхарам раяць:
звярнуцца ў сваё жыллёва-эксплуатацыйнае ўпраўленне (ЖЭУ) для наладкі ўнутрыдамавой сістэмы;
пакінуць заяўку ў кантакт-цэнтры "115.бел" па тэлефоне 115.
Нагадаем, што сіноптыкі абяцаюць у бліжэйшыя дні паніжэнне тэмпературы паветра да −26°C.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут