У пятніцу, 29 красавіка, у Мінску прэзентавалі новую форму жыроўкі (паведамлення пра памер аплаты за жыллёва-камунальныя паслугі). Яе распрацавалі спецыялісты Міністэрства жыллёва-камунальнай гаспадаркі.
Як паведамляе БЕЛТА, жыроўка стала двухбаковай. Як мяркуюць чыноўнікі, яна больш простая для разумення змешчанай інфармацыі. На адным баку жыроўкі — звесткі пра налічаную плату за жыллёва-камунальныя паслугі, на другім баку — дадатковая інфармацыя (па асабовым рахунку, жылым доме, расшыфроўка фактычных затрат).