Харкаў зноў атакавалі, ілюстрацыйнае фота / УНІАН
Удзень 27 траўня расіяне зноў нанеслі ракетны ўдар па Харкаве.
Кіраўнік Харкаўскай абласной адміністрацыі Алег Сінягубаў піша, што ў выніку ўдару авіябомбай па прадпрыемстве ў Харкаве загінула жанчына, яшчэ 10 чалавек параненыя.
Мэр горада Ігар Церахаў адзначае, што адзін з параненых — у вельмі цяжкім стане.
Паводле інфармацыі Сінягубава, ўдар быў нанесены па грамадзянскім прадпрыемстве ў Халаднагорскім раёне Харкава. Церахаў дадае, што яшчэ адзін прылёт быў у Шаўчэнкаўскім раёне горада.
На момант абвяшчэння трывогі ў Харкаве маніторынгавыя каналы пісалі, што ўдар наносіцца плануючымі карэктаванымі авіябомбамі.
Папярэдні ўдар быў нанесены 15 траўня. Ад яго пацярпеў харкаўскі гіпермаркет "Эпіцэнтр".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут