Новыя цягнікі пачнуць перавозіць пасажыраў у мінскім метро ў пачатку 2020-га

Чытаць болей: Новыя цягнікі для мінскага метро: як выглядаюць і калі з’явяцца

У электрадэпо "Магілёўскае" ўжо знаходзяцца два новыя электрацягнікі, яшчэ адзін прыгоняць туды бліжэйшай ноччу. Да канца года будуць пастаўленыя яшчэ тры "Штадлеры" (кожны каштуе каля 11,5 млн рублёў). Ва ўсіх іх па 4 вагоны. У першыя тры месяцы наступнага года метро атрымае яшчэ чатыры новыя цягнікі, у якіх будзе па 5 вагонаў.

Да канца 2019-га працягнуцца тэставыя выпрабаванні новай тэхнікі прадпрыемства "Штадлер Мінск". Усе вагоны цягніка скразныя — пасажыры змогуць падчас руху пераходзіць з вагона ў вагон. Больш падрабязна пра іх можна паглядзець тут.

Пасля адкрыцця трэцяй лініі мінскага метро 4-вагонныя "Штадлеры" перавядуць на яе, а на другой лініі застануцца 5-вагонныя цягнікі.