Амерыканская мадэль Кінсі Валанскі, якая 1 чэрвеня амаль голая выбегла на поле на стадыёне ў Мадрыдзе ў фінале футбольна Лігі чэмпіёнаў, спрабавала гэта паўтарыць. 7 ліпеня ў фінале Кубка Амерыкі на стадыёне ў Рыа-дэ-Жанейра на матчы зборных Бразіліі і Перу прысутнічала 70 тысяч чалавек. Аднак яны не сталі сведкам чарговай "прабежкі" Валанскі — яе ўжо ў самым пачатку затрымала ахова. Пра сваю няўдачу мадэль паведаміла ў Instagram.