Самалёт "Белавіі" / LookByMedia
Дазвол на працу "Белавіі" з самалётамі Boeing адносіцца да ўмоў працягу "канструктыўнага дыялогу" паміж Аляксандрам Лукашэнкам і ЗША. Пра гэта гаворыцца ў каментары прадстаўніка Беларусі пры ААН і "куратара" амерыканскага напрамку Валянціна Рыбакова.
Рыбакоў нагадаў, што на сустрэчы з Джонам Коулам у верасні Лукашэнка "акрэсліў кола ключавых пытанняў, вырашэнне якіх Вашынгтонам стане асновай для далейшага канструктыўнага дыялогу паміж краінамі". У якасці прыкладаў такіх пытанняў Рыбакоў назваў дазвол на ўзаемадзеянне з амерыканскай карпарацыяй і зняцце санкцый з кіраўніка "Беларуськалія".
Нагадаем, што верасневы візіт Коула не прывёў да чаканага вызвалення некалькіх соцень чалавек. Лукашэнка выказаў амерыканскаму боку незадаволенасць тым, што яна "не выконвае" шэраг дамоўленасцей, і вызваліў толькі 25 чалавек.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут