Адкрыццё Алімпіяды / Getty
Чарговы скандал вакол цырымоніі адкрыцця Алімпіяды, гэтым разам у Польшчы. Каментатар TVP Пшэмыслаў Бабярж падчас выканання песні Джона Ленана Imagine вырашыў выказацца пра тэкст кампазіцыі.
"Свет без нябёсаў, нацый і рэлігіі. Гэта бачанне свету, якое заклікае ахапіць кожнага. Гэта бачанне камунізму, на жаль", — сказаў ён.
Песня Imagine — свайго роду неафіцыйны другі гімн Алімпіяды, выкананне кампазіцыі стала традыцыяй падчас адкрыцця спаборніцтваў.
У суботу TVP заявілі аб адхіленні каментатара. "Паразуменне, талерантнасць, прымірэнне – гэта не толькі асноўныя Алімпійскія ідэі, яны таксама з'яўляюцца асновай стандартаў, якімі кіруецца новае Польскае тэлебачанне", — заявілі ў кампаніі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут