Супрацоўнікі Брэсцкай мытні спынілі кантрабанду вялікай партыі алкаголю, паведамляе прэс-служба Мытнага камітэта.
Аўтамабіль "Вольва" прыбыў у пункт мытнага афармлення "Казловічы". Паводле дакументаў, пададзеных кіроўцам-экспедытарам, у ім з Германіі ў Расію везлі піва.
Пры мытным аглядзе з ужываннем стацыянарнага інспекцыйна-надгляднага комплексу выявілася, што ў паўпрычэпе знаходзіцца больш за 39 тысяч бляшанак піва, не заяўленых у дакументах. Частка незадэклараванага тавару не была згаданая зусім, а частку піва перавозілі пад выглядам іншага наймення.
Паводле папярэдняй ацэнкі, агульны кошт кантрабанднага алкаголю — больш за 32 тысячы рублёў.
Брэсцка мытня пачала адміністрацыйную справу. Парушальніку пагражае штраф да 30% ад кошту незадэклараванага грузу.