Намеснік міністра замежных спраў нашай краіны Алена Купчына знаходзілася з двухдзённым рабочым візітам у Бруселі. Яна правяла шэраг сустрэч з высокапастаўленымі прадстаўнікамі Еўрапейскай службы знешніх дзеянняў і Еўракамісіі. Былі абмеркаваны перспектывы далейшага развіцця адносінаў паміж Беларуссю і Еўрасаюзам, паведамляе прэс-служба МЗС нашай краіны.
Нагадаем, 15 лютага Савет ЕС па замежных справах разгледзіць пытанне па Беларусі. Да 29 лютага Еўрасаюз павінен прыняць рашэнне наконт санкцый у дачыненні Беларусі. З кастрычніка 2015 года яны прыпыненыя. У "чорным спісе" застаюцца толькі чацвёра сілавікоў, якіх падазраюць у дачыненні да палітычных знікненняў у 1999-2000-х гадах.