Як выглядаюць загружаныя склады Мінскага трактарнага завода з вышыні птушынага палёту? Партал TUT.by апублікаваў кадры аэраздымкі тэрыторыі МТЗ, якія з паветра ўражваюць сваімі маштабамі не менш, чым з зямлі.
На відэа бачна, што ўся тэрыторыя прамысловага гіганта застаўленая трактарамі, якія чакаюць сваіх пакупнікоў.
Эканамічны крызіс не спрыяе добрай рэалізацыі неканкурэнтаздольнай прадукцыі. Буйныя машынабудаўнічыя прадпрыемствы даўно працуюць няпоўны тыдзень і запаўняюць склады. Супрацоўнікі атрымліваюць мізэрныя заробкі, але ў цяперашніх умовах не бачаць годнай альтэрнатывы такой працы.