Забойцу Барыса Нямцова асудзілі на 20 гадоў калоніі строгага рэжыму. Пракурор прасіла для Заура Дадаева пажыццёвае зняволенне, аднак Маскоўскі акруговы ваенны суд улічыў наяўнасць дзяцей і станоўчыя характарыстыкі. Таксама на яго наклалі штраф у памеры 100 тысяч расійскіх рублёў (больш за 1600 долараў, пракурор прасіла прызначыць удвая больш). Суд пазбавіў Заура Дадаева ордэна мужнасці і звання лейтэнанта (ён служыў ва ўнутраных войсках), піша “Новая газета”.
Вядомы расійскі апазіцыйны дзеяч Барыс Нямцоў быў забіты ў цэнтры Масквы 27 лютага 2015 года. Следства прыйшло да высновы, што забойства здзейсніла група чачэнцаў. У судзе яны заявілі, што невінаватыя, а на першых допытах сябе агаварылі.