Сама меней чатыры чалавекі загінулі падчас сходу лавіны ў італьянскіх Альпах, паведамляе ВВС. Цяпер выратавальнікі шукаюць іншых зніклых альпіністаў, якія маглі апынуцца пад снегам.
Лавіна сышла на вышыні болей за тры тысячы метраў у Монтэ Невоса ў Паўднёвым Ціролі, каля мяжы з Аўстрыяй.
Выратавальнікі шукаюць зніклых пры дапамозе верталётаў і пошукавых сабак. Пад лавінай маглі апынуцца каля 10 чалавек.
На мінулым тыдні пяцёра лыжнікаў з Чэхіі таксама загінулі пад лавінай у аўстрыйскім Ціролі.