З вуліцы Кастрычніцкай прыбралі шматпакутныя палаткі і шашлыкі, якія абуралі мясцовых тусоўшчыкаў і рэстаратараў. Вуліца зноў стала даступнай для праезду машын.
Рух для ўсіх відаў транспарту на частцы вуліцы Кастрычніцкай закрывалі з 21 да 30 чэрвеня на час правядзення II Еўрапейскіх гульняў. У гэты ж час на ёй з'явіліся палаткі, забрэндаваныя піўзаводам "Аліварыя", і шашлыкі. Усё гэта выклікала абурэнне сярод рэстаратараў і мясцовых тусоўшчыкаў.
Дзяржаўная "інтэрвенцыя" доўжылася роўна да канца Еўрапейскіх гульняў. Ужо днём 1 ліпеня ўсе палаткі аказаліся прыбраны. Модная вуліца зноў можа радаваць мінчан эстэтычнасцю і "еўрапейскасцю".