Тут і далей фота з Facebook Андрэя Гусарава
Днямі ў Мінску запусцілі першы ў Беларусі пракат ровараў без стаянак: пасля паездкі ровар можна пакінуць у любым месцы горада. Байкшэрынгам працуе пад брэндам KoloBike. За невялікі час працы пракату беларусы ўжо паспелі раскрытыкаваць ровары. Напрыклад, за адсутнасць дадатку для IOS, вялікую вагу ровара, незразумелае спісанне грошай з рахунку.
Бізнесовец Андрэй Гусараў на сваёй старонцы ў Facebook выклаў падборку "калабайкаў" у нестандартных абставінах. Людзі вешаюць ровары на платы і дрэвы, выкідаюць у сметніцу, "паркуюць" у пад'ездзе, дзе яго не ўбачыць GPS.
"У тэставым рэжыме ў Мінску адкрыўся шэрынг ровараў і самакатаў. Не ўсе жыхары сталіцы гатовыя карыстацца прасунутымі сэрвісамі. Хтосьці дзікун, а хтосьці проста заганяе ровары ў свае пад'езды, каб раніцай паехаць на ім да метро", — піша Гусараў.