“Вольных месцаў няма”. Дзяржпансіянаты не падрыхтаваныя да наплыву падапечных

Чытаць болей: Прыватныя пансіянаты не прымаюць састарэлых — людзі могуць апынуцца на вуліцы

Лісты былі разасланыя на пазначаныя на афіцыйных сайтах скрыні ўсіх абласных Камітэтаў па працы і сацыяльнай абароне, а таксама ў Мінпрацы. 

Цягам трох дзён мы атрымалі не вельмі змястоўныя адказы.

Так, віцебскі і брэсцкі камітэты адмовіліся разглядаць дасланы ліст і прапанавалі да іх звярнуцца праз іншы сэрвіс зваротаў: www.обращения.бел.

У Мінпрацы ў сваю чаргу адказалі, што па электроннай пошце яны на пытанні не адказваюць і прапанавалі патэлефанаваць на гарачую лінію раніцай у суботу 5 кастрычніка.

Гомельскі камітэт аказаўся больш канструктыўным — распісаў, якія катэгорыі грамадзян могуць трапіць у дзяржаўныя сацпансіянаты, што для гэтага трэба сабраць дакументы і падаць іх у тэрытарыяльныя цэнтры па месцы жыхарства. 

Таксама там прапанавалі даслаць ім нумар мабільнага тэлефона, каб спецыяліст звязаўся і патлумачыў працэдуру.

Іншыя камітэты — магілеўскага, мінскага, гродзенскага аблвыканкамаў — увогуле нічога не адказалі.

“Я сама не ведаю, як гэта будзе”

Наступным крокам стаў тэлефонны абзвон.

Мы датэлефанаваліся ў Камітэт па працы і сацыяльнай абароне Мінскай вобласці, выдаючы сябе за грамадзяніна, чый пажылы сваяк (у нашым выпадку бацька) пазбавіўся абслугоўвання ў прыватным пансіянаце, а магчымасці забяспечыць яго ўтрыманне дома няма.

Чытаць болей: Посёлок под Минском остался без маршруток. Что говорят местные и “Минсктранс”

“Які выхад на сённяшні дзень? Мы можам вам прадаставіць дзяржаўны пансіянат. Але не менавіта зараз, бо трэба прайсці медыцынскае абследаванне і атрымаць неабходныя дакументы”, — адказалі супрацоўнікі ведамства, прапанаваўшы на гэты перыяд састарэлага сваяка пакінуць дома. 

Аднак на тым баку дрота не адважыліся прагназаваць, колькі часу зойме атрыманне неабходных дакументаў і афармленне ў пансіянат.

Нам прапанавалі ўдакладніць інфармацыю ў Тэрытарыяльным цэнтры сацыяльнага абслугоўвання Барысава (па легендзе, там зарэгістраваны бацька), які займаецца падрыхтоўкай дакументаў. Абласны камітэт, у сваю чаргу, выдае пуцёўкі ў пансіянат.

У Тэрытарыяльным цэнтры нас агарошылі — вольных месцаў там не аказалася.

“У нас зараз з вольнымі месцамі праблема. Не ўладкаваныя нават адзінокія людзі, якія ляжаць на сацыяльным ложку. І па палажэнні ў нас напісана, што ў дамы-інтэрнаты накіроўваюцца адзінокія грамадзяне. А калі ў чалавека ёсць сваякі, то яны павінны трапіць да іх. І толькі пры наяўнасці вольных месцаў мы можам нечым дапамагчы”.