Абломкі расійскай ракеты і яе носьбіт / калаж Defense Express
Гэта адбылося 4 траўня падчас начной атакі на Кіеў. Спрацаваў амерыканскі зенітны ракетны комплекс Patriot.
Ракету Х-47 выпусціў па Кіеве МіГ-31К з тэрыторыі Расіі.
— Віншую ўкраінскі народ з гістарычнай падзеяй! Так, мы збілі "кінжал, які не мае аналагаў", — піша камандуючы паветранымі сіламі УСУ Мікалай Аляшчук.
5 траўня ва ўкраінскіх СМІ з'явіліся фота абломкаў ракеты са сцвярджэннем, што гэта Х-47 "Кінжал". Аднак прадстаўнік Паветраных сіл Украіны Юрый Ігнат зняпраўдзіў гэтыя звесткі.
Алешчук усё ж выступіў з яе пацвярджэннем і папрасіў СМІ надалей чакаць афіцыйных заяў, каб выпадкова не апублікаваць інфармацыю, якой можа скарыстацца праціўнік.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут