14 траўня ў 11:55 аршанскія ратавальнікі атрымалі паведамленне, што на чыгуначным вакзале адбылася ўцечка газу, інфармуе прэс-служба МНС.
Пры праверцы чыгуначнага саставу выявілі ўцечку звадкаванага прапану з запорнага клапана. Аварыйную цыстэрну адбуксавалі на запасны пуць станцыі "Орша-Цэнтральная" для ліквідацыі ўцечкі.
Уцечку газу ў 13:00 ліквідавалі самі чыгуначнікі. Пацярпелых пры здарэнні няма. У 15:02 цягнік адправіўся па далейшым маршруце.
Супрацоўнікі газавай службы правялі замеры і высветлілі, што гранічна дапушчальная канцэнтрацыя рэчыва ў паветры — у межах нормы. Пагрозы навакольнаму асяроддзю няма.