У Швецыі ў камуне Салентуна падлетак забіў 16-гадовага Пятра, сына беларускага літаратара Дзмітрыя Плакса. Пра гэта інфармуе "Белсат" са спасылкай на рускамоўнае выданне "Скандинавская Лента".
Паведамляецца, што хлопец забіў Пятра Плакса сякерай, потым сам затэлефанаваў у паліцыю і паведаміў пра гэта.
Дзмітрый Плакс — журналіст, мастак, пісьменнік, перакладчык. Нарадзіўся ў Мінску, але з 1997 года стала жыве і працуе ў Стакгольме. Ён стваральнік і прадзюсар беларускай службы "Радыё Швецыя".