Беларускія кантрабандныя цыгарэты на складзе ў Пскоўскай вобласці РФ / sztu.customs.gov.ru
У РФ перахапілі кантрабандныя цыгарэты з Беларусі на больш за 80 мільёнаў расійскіх рублёў (870 тысяч долараў). Расійскія мытнікі заявілі пра ліквідацыю канала пастаўкі нелегальнага грузу ў Пскоўскую вобласць.
Больш за 700 тысяч пачкаў цыгарэт беларускай вытворчасці без расійскіх акцызных марак знайшлі на складзе ў Вялікалуцкім раёне. Яго абсталяваў каля свайго прыватнага дома жыхар адной з вёсак. Па звестках мытнікаў, грамадзянін Расіі дзейнічаў сумесна з "саўдзельнікамі з Беларусі". Цыгарэты яны збіраліся прадаваць у крамах на Пскоўшчыне. Кантрабандыстам пагражае крымінальная адказнасць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут