У РБ пашырылі пералік спецыяльнасцяў, на якія можна паступаць без іспытаў

Міністэрства адукацыі пашырыла пералік спецыяльнасцей, на якія асобныя катэгорыі абітурыентаў змогуць паступіць без уступных іспытаў. У пералік дадалі 16 спецыяльнасцей. Сярод іх:

• гістарычная адукацыя;
• беларуская філалогія;
• руская філалогія;
• бібліятэчна-інфармацыйная дзейнасць;
• геаграфія;
• землеўпарадкаванне і кадастры;
• тэхнічная эксплуатацыя паветраных суднаў і сродкаў наземнага забеспячэння палётаў;
• чыгуначны шлях і пуцявая гаспадарка;
• ахова працы на вытворчасці;
• спецыяльная і інклюзіўная адукацыя.

Паступіць на гэтыя спецыяльнасці без іспытаў змогуць медалісты і выпускнікі каледжаў, якія атрымалі дыплом з адзнакай, а таксама прызёры трэцяга (абласнога ці Мінскага гарадскога) этапа рэспубліканскай алімпіяды па навучальных прадметах. Але залічваюцца перамогі толькі на алімпіядах, якія праводзіліся ў год прыёму. Ільготы прадугледжаны і для некаторых іншых катэгорый абітурыентаў.