25 жніўня ва Украіне ў беларускім палку імя Кастуся Каліноўскага адбыўся ўрачысты ваенны рытуал прыняцця баявога сцяга, піша @belwarriors. Байцы атрымалі новыя шаўроны (на старых згадваўся батальён, цяпер — полк). Навабранцы склалі прысягу на вернасць Беларусі.
"Баявы сцяг увасабляе нашу гатоўнасць змагацца за свабоду свайго народа, як змагаліся за яе касінеры Касцюшкі і паўстанцы Каліноўскага, ваяры Слуцкага збройнага чыну і партызаны антыбальшавіцкага супраціву, удзельнікі пратэстаў 2020-га", — гаварыў камандзір падраздзялення Дзяніс "Кіт".
Беларускія добраахвотнікі далі клятву "зрабіць усё магчымае, каб наблізіць час, калі баявы сцяг палка будзе вольна лунаць... над свабоднай Беларуссю".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут