Суд над удзельнікамі "Атрадаў грамадзянскай самаабароны" / Sputnik
Мінскі абласны суд пачаў 19 кастрычніка разгляд крымінальнай справы пяці ўдзельнікаў арганізацыі "Атрады грамадзянскай самаабароны", піша Sputnik. Сярод абвінавачаных адна жанчына.
На лаве падсудных — Наталля Мацвеева, Вадзім Гулевіч, Кірыл Ашурак, Аляксей Глотаў, Дзмітрый Сасноўскі.
Гулевіч, Ашурка і Глотава затрымалі ў справе аб падрыве вузла сувязі ў Вялейцы. Мацвееву вінавацяць у спробе зьнішчыць лесанарыхтоўчую тэхніку ў лясгасах, Сасноўскага — у замаху на прапагандыста Рыгора Азаронка.
Беларускія ўлады прызналі гэтую арганізацыю тэрарыстычнай. Справу расследавала следчае ўпраўленне КДБ.
Абвінавачаных будуць судзіць за ўдзел у арганізацыі, створанай для ажыццяўлення тэрарыстычнай дзейнасці ды іншых злачынстваў экстрэмісцкай накіраванасці, у тым ліку за заклікі да санкцый.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут