Неўзабаве пасля запуску экстрэмальнага атракцыёну дзяўчынка ўпала з вышыні / t.me/skgovby/
У Лідзе ў рэанімацыю цэнтральнай раённай бальніцы трапіла 11-гадовая дзяўчынка — выпала з атракцыёну. Яна атрымала шматлікія траўмы. Як паведамляла ўвечары ў нядзелю Мінаховы здароўя, стан дзіцяці стабільна цяжкі. Лекары робяць усё неабходнае для стабілізацыі стану дзяўчынкі. З Гродна выкліканы для аказання дадатковай дапамогі анестэзіёлаг-рэаніматолаг, траўматолаг і афтальмолаг, а з Мінска — хірург рэспубліканскага ўзроўню.
Як паведамляе Следчы камітэт, здарэнне адбылося 12 траўня. Дзяўчынка разам з маці прыйшла ў парк забаў, які некалькі тыдняў таму прыехаў у Ліду. Літаральна праз некалькі секунд пасля запуску экстрэмальнага атракцыёну Hammer яна ўпала з вышыні.
Крымінальную справу распачалі па артыкуле "Аказанне паслуг, якія загадзя не адпавядаюць патрабаванням бяспекі для жыцця або здароўя спажыўцоў, што пацягнула па неасцярожнасці прычыненне цяжкага цялеснага пашкоджання".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут