У Гомелі Аляксандр Лукашэнка і Пётр Парашэнка могуць пабачыць "ікону" Леніна і піраміду з капусты. Як інфармуе Радыё Свабода, у горадзе на плошчы Паўстання падчас Форуму рэгіёнаў Беларусі і Украіны пачаўся сельскагаспадарчы кірмаш. У адным з намётаў, які ўсталяваў холдынг бытавога абслугоўвання "Гомельаблбыт", і быў заўважаны вышыты партрэт савецкага правадыра, ды яшчэ выкананы ў форме іконы. А побач — ікона Багародзіцы.
26 кастрычніка ў Гомелі адбудзецца двухбаковая сустрэча Лукашэнкі і Парашэнкі. Пасля яны наведаюць пленарнае пасяджэнне Форуму рэгіёнаў Беларусі і Украіны.