Камбайн пасля пажару / vitebsk.mchs.gov.by
У Беларусі працягваюць гарэць камбайны. На гэты раз здарэнне адбылося ў Дубровенскім раёне Віцебскай вобласці. Як паведамляюць ратавальнікі, у сераду КВК-800 "Палессе FS80" мясцовага сельскагаспадарчага прадпрыемства працаваў у полі каля вёскі Бель, калі адбылося ўзгаранне. Камбайнер самастойна ліквідаваць яго з дапамогай двух вогнетушыцеляў не змог. Агонь знішчыў два заднія колы, пашкодзіў маторны адсек і кабіну.
Мяркуецца, што адбылося кароткае замыканне электраправодкі.
Сёлета ў Беларусі зафіксавалі антырэкорд па колькасці камбайнаў, якія згарэлі падчас жніва.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут