Вясна ідзе ў Беларусь, ілюстрацыйнае фота
У пятніцу, 27 лютага, у Беларусі прагназуецца воблачнае надвор'е з праясненнямі, паведамляе Белгідрамет.
Будзе пераважна без ападкаў. Уначы і зранку месцамі па краіне чакаюцца слабыя туман і галалёд. На асобных участках дарог — галалёдзіца. Вецер прагназуецца паўднёвы, уначы — ад слабога да ўмеранага, удзень — умераны.
Тэрмометры ўначы пакажуць ад -1 градуса па захадзе да -12 градусаў па ўсходзе краіны. Удзень чакаецца -1...+5 градусаў, у заходніх раёнах будзе 6-8 градусаў цяпла.
У суботу і нядзелю будзе пераважна без ападкаў, толькі ўначы месцамі па паўночным усходзе краіны, а ўдзень у паўночна-заходніх раёнах пройдуць невялікія кароткачасовыя ападкі. Вецер будзе паўднёва-заходні, заходні ўмераны.
Тэрмометры ўначы пакажуць ад 6-8 градусаў марозу па паўднёвым усходзе да 2 градусаў цяпла па захадзе Беларусі. Удзень чакаецца 2-8 градусаў вышэй за нуль, па захадзе краіны прагназуюць 9-13 градусаў са знакам "плюс".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут