Захворванне працякала ў лёгкай і сярэдняй ступені цяжкасці / Ілюстрацыйнае фота novyefoto.ru
Сёлета ў Беларусі зафіксавалі 15 выпадкаў адру. Па звестках Мінаховы здароўя, яго завезлі з Расіі.
Згаданыя выпадкі лабараторна пацверджаныя. Яшчэ ў адным выпадку гаворка ідзе аб падазрэнні на адзёр. Усе яны зафіксаваныя ў Віцебскай, Магілёўскай і Гомельскай абласцях. Першыя пацыенты завезлі хваробу з Масквы і іншых гарадоў РФ. Пасля захварэлі сваякі і сябры гэтых людзей.
Часцей за ўсё хварэлі людзі ва ўзросце 25-59 гадоў (79,9% выпадкаў). Ва ўсіх захворванне працякала ў лёгкай і сярэдняй ступені цяжкасці. Цяпер іх стан здароўя здавальняючы.
Мінздароўя сцвярджае, што сітуацыя ў Беларусі "кантраляваная і кіраваная".
Адзёр перадаецца праз паветра: каб захварэць, дастаткова пабыць у адным памяшканні з ужо хворым чалавекам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут