Станіслаў Зась сустрэўся ў Ерэване з прэм'ерам Ніколам Пашынянам (фота, відэа)

Чытаць болей: Новым генсекам АДКБ будзе беларус Зась, але Арменія яго кандыдатуру не ўхваліла

Пасада была вакантнай з лістапада 2018-га, калі Ерэван датэрмінова адклікаў Юрыя Хачатурава. У снежні Аляксандр Лукашэнка заявіў, што на пасаду генсека АДКБ будзе прызначаны беларус. Прызначэнне мусіла адбыцца праз індывідуальнае сумоўе Зася з кожным кіраўніком краіны. Усе падпісалі праект рашэння Савета калектыўнай бяспекі АДКБ, акрамя Арменіі. Прычынай гэтага дэмаршу стала незадаволенасць армянскіх уладаў тым, што Беларусь прадае зброю Азербайджану. Была версія, што армянскі прэм'ер дамагаўся ад Крамля саступак па цане на газ.

Аднак доўга гэта працягвацца не магло. Падчас сустрэчы са Станіславам Засем у Ерэване Нікол Пашынян сказаў, што рады дасягнутай згодзе.

Армянскія СМІ па-рознаму адрэагавалі на сустрэчу. "Добрая міна пры дрэннай гульні", — гэта адзін з загалоўкаў. З яго цяжка зразумець, асуджаецца пазіцыя Пашыняна ці Зася і Беларусі.