Анатоль Змітровіч / ced.by
14 лютага ў Светлагорску сілавікі затрымалі некалькіх мясцовых жыхароў і правялі ператрусы, пішуць праваабаронцы. Займаліся гэтым прадстаўнікі гомельскіх абласных структур міліцыі.
Паведамляецца, што затрымалі сем чалавек — чатырох мужчын і трох жанчын. Іх пасадзілі ў ізалятар часовага ўтрымання Светлагорскага РАУС.
Сярод затрыманых — Анатоль Змітровіч, які да нядаўняга часу быў індывідуальным прадпрымальнікам і актыўным удзельнікам прадпрымальніцкага руху. Таксама ён вядомы як экалагічны актывіст, які пратэставаў супраць будаўніцтва і запуска Светлагорскага завода беленай цэлюлозы, калі адбываліся шматлікія выкіды шкодных рэчываў у атмасферу. Апошнім часам Змітровіч працуе ў аўтасервісе.
Таксама затрымалі старшыню рэспубліканскага грамадскага аб’яднання "Людзі плюс" Таццяну Жураўскую. Арганізацыя, якой яна кіруе, працуе з людзьмі, якіх закранула праблема ВІЧ.
Астатнія затрыманыя працуюць на розных прадпрыемствах горада.
Мяркуецца, што 15 лютага суд Светлагорскага раёна будзе разглядаць іх справы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут