У Мінску на праспекце Незалежнасці каля плошчы Якуба Коласа цалкам адноўлены рух транспарту, інфармуе БЕЛТА са спасылкай на УДАІ УУС Мінгарвыканкама.
Аднаўленчыя работы цалкам завершаныя да 10:00. Рух транспарту адбываецца ў звычайным рэжыме.
Рамонтныя работы каля дома №47 на праспекце Незалежнасці вяліся цэлыя суткі. Як паведамлялася раней, тут 2 верасня адбыўся прарыў вадаправоду. Прычынай назвалі натуральны знос трубаў. На час рамонту быў абмежаваны рух па праспекце.
Рамонт выклікаў васьмібальныя аўтамабільныя заторы ў цэнтры Мінска.