Перапрацоўка расійскай нафты пачалася на наваполацкім "Нафтане". На Мазырскі НПЗ нафта яшчэ не паступала, перадае БЕЛТА са спасылкай на канцэрн "Белнафтахім".
"Нафта на "Нафтан" паступае, пачалася яе перапрацоўка. З 17:00 4 студзеня на Нафтан паступіла 26,5 тысяч тон нафты. Захоўваецца мінімальная загрузка прадпрыемства", — кажуць у канцэрне.
Як паведамлялася раней, з 1 студзеня Расія спыніла пастаўкі нафты ў Беларусь: краіны не дамовіліся пра кошты на сыравіну.
Пасля гэтага беларускія НПЗ знізілі загрузку да тэхналагічнага мінімуму. Беларусь часова спыніла экспарт нафтапрадуктаў, каб забяспечыць бензінам унутраны рынак.
4 студзеня "Белнафтахім" заявіў, што з Расіяй дасягнутая дамоўленасць на пастаўку першай партыі нафты, якая закупляецца па кошце без прэміі. У той жа дзень нафта пачала паступаць на "Нафтан".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.