У сеціве адбылася прэм'ера песні "A Fine Morning To Die", якую ў якасці саўнд-трэка да расійскага фільма "Легенда пра Калаўрата" запісалі Кацярына Іванчыкава з IOWA і Серж Танкян. Увогуле, лідар знакамітага System Of A Down напісаў не толькі песню, але і стаў кампазітарам усяго фільма. Ён праслухаў некалькі расійскіх спявачак для супрацоўніцтва і абраў магіляўчанку Кацю Іванчыкаву.
Танкян, дарэчы, кажа, што вельмі ганарыцца музыкай, якую стварыў да фільма. Але рэдакцыю Еўрарадыё дуэт з Іванчыкавай не асабліва ўразіў. Паслухайце, а як вам?
28-га лістапада IOWA выступіць у сталічным Prime Hall.