Участак польска-беларускай мяжы / twitter.com/Straz_Graniczna
На польска-беларускай мяжы зафіксавалі 313 спробаў незаконнага перасячэння мяжы, паведамляе Памежная служба Польшчы ў чацвер.
Затрыманыя 5 нелегальных мігрантаў. Гэта 4 іракцы і 1 грамадзянін Емена. Таксама за аказанне дапамогі арыштаваныя двое замежнікаў — грамадзяне Балгарыі і Сірыі з нямецкім відам на жыхарства.
Як раней паведамляла Еўрарадыё, прэзідэнт Польшчы Анджэй Дуда падпісаў і накіраваў у парламент запыт аб падаўжэнні рэжыму надзвычайнага становішча на мяжы з Беларуссю.
Паводле звестак польскіх уладаў, з пачатку года больш за 8 тысяч чалавек спрабавалі незаконна трапіць у Польшчу з тэрыторыі Беларусі, з іх амаль 4 тысячы — у верасні. 1200 мігрантаў перайшлі мяжу, але ў выніку былі затрыманыя ў Польшчы
Еўрасаюз называе незаконную міграцыю з Беларусі "гібрыднай агрэсіяй беларускага рэжыму".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут