Пенсіянерку Ніну Багінскую за пікет каля КДБ аштрафавалі на 1050 рублёў (каля 555 долараў). Акцыя адбылася 24 сакавіка. Як інфармавала Еўрарадыё, вядомая актывістка трымала ў руках плакат “Свабоду палітвязням” са спісам людзей, якія знаходзяцца за кратамі. Праз паўгадзіны два амапаўцы затрымалі Багінскую. Аднак неўзабаве выпусцілі і яна ўжо на наступны дзень брала ўдзел у Дні Волі.
Радыё Свабода паведамляе, што Багінскую аштрафавала суддзя Цэнтральнага раённага суда сталіцы Вікторыя Шабуня.
Дарэчы, Ніна Багінская рэгулярна праводзіць каля КДБ адзіночныя пікеты, трымае плакаты з патрабаваннямі “Свабоды народу”.