Таццяну Батуру, затрыманую пры спробе трапіць на суд Вольгі Залатар, не выпусцілі пасля 45 сутак арышту, паведамляюць праваабаронцы.
Дзяўчыну затрымалі 15 лістапада і ўжо тройчы асуджалі на 15 сутак. Сёння блізкія чакалі яе дзве гадзіны, але так і не дачакаліся. Маці Таццяны пасля неаднаразовых зваротаў супрацоўнікі Акрэсціна заявілі, быццам яе вызвалілі. Апошнім часам такое "вызваленне" азначае, што на выхадзе яе перахапілі супрацоўнікі Фрунзенскага РУУСа і адвезлі на "прафілактычную гутарку".
У Фрунзенскім РУУСе блізкім сказалі, што на Таццяну склалі чацвёрты пратакол, але паводле якога артыкула — невядома. Мяркуеца, што заўтра яе будуць судзіць.
Дарэчы, на першым судзе Батура заявіла, што ў Фрунзенскім РУУС яе ўдарылі галавой аб шафу, у бальніцы ёй дыягнаставалі ўдар галавы. Каля месяца дзяўчыну трымалі ў карцары, таму яна пяць дзён трымала галадоўку.
Сёння Таццяну прызналі палітзняволенай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут