У Расіі падчас матчу Нацыянальнай студэнцкай футбольнай лігі на полі пабіліся гульцы з Екацярынбурга і Грознага. Аднаму з іх зламалі нос. Здарэнне адбылося 13 красавіка, відэа ўжо з’явілася на YouTube. У каментары да яго паведамляецца, што гулялі каманды Уральскага федэральнага ўніверсітэта і Чачэнскага дзяржаўнага ўніверсітэта. Масавая бойка пачалася ў другім тайме пры ліку 1:1. Галоўны арбітр вырашыў спыніць матч.