Ад пачатку наступнага тыдня работнікам Слуцкага мясакамбінату забараняюць прыносіць на тэрыторыю прадпрыемства ссабойкі. Кіраўніцтва тлумачыць гэта датрыманнем санітарных нормаў. Маўляў, на камбінаце няма пакою для прыёма ежы, захоўванне прадуктаў у вытворчых памяшканнях таксама забароненае. Будзе ўзмоцнены кантроль за асабістымі рэчамі, каб у іх не было прадуктаў.
Работнікі мясакамбінату мяркуюць, што прычына ў іншым. Раней былі талоны на абеды, 50% якіх аплочвала само прадпрыемства, аднак летась іх скасавалі. Пасля гэтага людзі перасталі наведваць сталовую. Кошты і якасць абслугоўвання работнікаў не задавальняюць і план па загружанасці сталовай не выконваецца, піша kurjer.info