Выступ адбудзецца 23 траўня / onliner.by
У Бухарэсце 23 траўня пройдзе канцэрт беларускага выканаўцы Макса Каржа. Сталіца Румыніі рыхтуецца да гэтай падзеі нібы да аблогі. Ахоўваць арэну і тэрыторыю вакол яе будуць каля дзесяці тысяч паліцэйскіх, жандараў і супрацоўнікаў спецслужбаў.
Як адзначае румынскі партал b365, перад канцэртам гурта Metallica тыдзень таму ў Бухарэсце было разгорнута ў 14 разоў менш сілавікоў, хоць наведнікаў таго выступу было больш. У разы меншая колькасць праваахоўнікаў працуе і на футбольных матчах.
З 42 тысяч прададзеных білетаў толькі 3 тысячы набылі ў Румыніі, астатнія — у іншых краінах, пераважна ва Украіне, Польшчы, Малдове і Германіі.
У Варшаве канцэрт Каржа суправаджаўся беспарадкамі ў горадзе напярэдадні выступу, а пачатак быў адкладзены праз паводзіны часткі аўдыторыі.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут