Мінскія чыноўнікі зрабілі ў адным дакуменце на адной старонцы тэксту каля сотні памылак, абдруковак. Яго атрымалі заснавальнікі грамадскага аб'яднання "Ваколіца" і былі шакаваныя. Фотакопію змясціла Вікторыя Шаблінска на сваёй старонцы ў Facebook.
Самае цікавае, што "Заключэнне па выніках разгляду дакументаў аб дзяржаўнай рэгістрацыі мясцовага грамадскага аб'яднання абароны права ўласнасці і экалагічных правоў грамадзян "Ваколіца", якое склаў галоўны спецыяліст аддзела рэгістрацыі і суб'ектаў гаспадарання і грамадскіх арганізацый, зацвердзіла намесніца начальніка ўпраўлення рэгістрацыі і ліцэнзавання галоўнага ўпраўлення юстыцыі Мінгарвыканкама.